OMMAVIY OFERTA
OMMAVIY
OFERTA
«Toʻlovlarni Monitoring qilish» Xizmatidan foydalanish boʻyicha
Mazkur hujjat «BRIO GROUP» AJ (keyingi oʻrinlarda – Tizim) tomonidan EMV plastik bank kartalari egasi boʻlgan jismoniy shaxslarga (keyingi oʻrinlarda – Foydalanuvchi) “Toʻlovlarni Monitoring qilish” xizmati (keyingi oʻrinlarda – Shartnoma)dan foydalanish boʻyicha xizmat koʻrsatish shartnomasini tuzishni taklif etuvchi rasmiy taklif – ommaviy ofertadir. Ushbu Ofertada koʻrsatilgan harakatlarni Foydalanuvchi tomonidan bajarilishi ushbu shartlarga soʻzsiz rozilik bildirganini anglatadi (Ofertani aksept qilish). Oferta aksept qilingani onidan boshlab Shartnoma tuzilgan hisoblanadi.
Mazkur Shartnomada bevosita koʻzda tutilmagan hollarda, tomonlar Oʻzbekiston Respublikasining amaldagi qonunchiligi va ishbilarmonlik muomalasi odatlariga amal qiladilar.
1. ATAMALAR VA TA’RIFLAR
Xizmat / «Toʻlovlarni Monitoring qilish» xizmati – «BRIO GROUP» AJ (OSON™ savdo belgisi ostida faoliyat yuritadi) tomonidan ishlab chiqilgan va mualliflik huquqiga ega boʻlgan axborot-texnologik yechimlar majmuasi boʻlib, ular orqali Foydalanuvchi oʻz bank kartasi orqali amalga oshirilgan barcha tranzaksiyalar haqida maʼlumot olishi, tushum/chiqim statistikasi bilan tanishishi, shuningdek, Xizmat funksionalligi doirasida boshqa amallarni bajarishi mumkin.
Foydalanuvchi – OSON ilovasida roʻyxatdan oʻtgan va «Toʻlovlarni Monitoring qilish» xizmatini faollashtirgan, Oʻzbekiston Respublikasining EMV plastik bank kartasiga ega boʻlgan muomalaga layoqatli jismoniy shaxs.
Bank kartasi (plastik karta) – Oʻzbekiston Respublikasidagi bank tomonidan chiqarilgan va OSON ilovasida roʻyxatdan oʻtgan, onlayn rejimda ishlaydigan toʻlov kartasi.
2. OFERTANI QABUL QILISH TARTIBI
2.1. Mazkur Ofertani aksept qilish va Xizmat shartlariga rozilik bildirish, Foydalanuvchi tomonidan OSON ilovasida Xizmatni faollashtirish orqali amalga oshiriladi («Monitoringni yoqish» tugmasi orqali).
2.2. Agar quyidagi shartlarga rozilik bildirishingiz mumkin boʻlmasa, Xizmatdan foydalanmang.
3. SHARTNOMANING PREDMETI
3.1. Tizim EMV plastik kartalari egalariga «Toʻlovlarni Monitoring qilish» Xizmatidan foydalanish imkonini taqdim etadi. Mazkur Xizmat orqali Foydalanuvchi oʻz bank kartasi orqali amalga oshirilgan barcha tranzaksiyalar haqidagi maʼlumotlarni olish, tushum va chiqim statistikasi bilan tanishish, shuningdek, Xizmat funksiyalari doirasida boshqa amallarni bajarishi mumkin.
3.2. Xizmat iOS, Android platformalarida va www.oson.com veb-manzili orqali foydalanish mumkin boʻlgan “OSON” ilovasi doirasida ishlaydi. Xizmatdan faqatgina OSON ilovasida roʻyxatdan oʻtgan jismoniy shaxslar foydalanishi mumkin.
4. XIZMATLAR NARXI VA TO‘LOV TARTIBI
4.1. Foydalanuvchilar
uchun Servis narxi har bir bank kartasi uchun oyiga 1000 (bir ming) so‘m etib
belgilanadi.
4.2. Pul mablag‘lari yechib olinishi Servisni faollashtirish vaqtida “OSON”
Ilovasida ro‘yxatdan o‘tgan Foydalanuvchining plastik kartasidan avtomatik
tarzda amalga oshiriladi. Keyingi oylarda to‘lov har oyning 1-sanasida oldindan
to‘lash tartibida amalga oshiriladi. Servisdan foydalanganlik uchun to‘lov
birinchi oyning istalgan kunida faollashtirilgan bo‘lishidan qat’i nazar,
to‘liq hajmda yechib olinadi.
4.3. Servis Foydalanuvchining “OSON” Ilovasidagi akkaunti bilan bog‘langan
bo‘lib, to‘lov “asosiy” maqomidagi karta orqali amalga oshiriladi. Agar
“asosiy” kartada mablag‘ yetarli bo‘lmasa, yechib olish Foydalanuvchining
akkauntida ro‘yxatdan o‘tgan boshqa kartadan amalga oshiriladi, agar u yetarli
balansga ega bo‘lsa.
4.4. Mablag‘lar faqat to‘lovni amalga oshirish uchun tanlangan kartadagi
depozit Servis uchun belgilangan narxga teng yoki undan ortiq bo‘lsa, yechib
olinadi.
4.5. Agar Foydalanuvchining kartasi yoki kartalaridagi depozit Servisdan
foydalanish uchun belgilangan narxni to‘lashga yetarli bo‘lmasa (ya’ni har bir
kartadagi mablag‘ yetarli bo‘lmasa), Servis 10 kun davomida faol bo‘lib qoladi.
Agar ushbu muddat ichida depozit kerakli miqdorgacha to‘ldirilmasa, Servisga
kirish Foydalanuvchi uchun yopiladi.
4.6. Servis, Foydalanuvchining kartasidagi depozit zarur summagacha
to‘ldirilganidan keyin va to‘lov amalga oshirilgandan so‘ng tiklanadi. To‘lov
faqat joriy davr uchun amalga oshiriladi (Servis Foydalanuvchi uchun qayta
faollashtirilgan kundan boshlab) va Servis vaqtincha to‘xtatilgan davrni o‘z
ichiga olmaydi.
5. TOMONLARNING MAJBURIYATLARI
5.1. Tizim quyidagilarga
majbur:
– Servisdan uzluksiz foydalanish imkoniyatini ta’minlash;
– Servisni taqdim etish jarayonida ma’lum bo‘lgan Foydalanuvchining shaxsiy
ma’lumotlari maxfiyligini ta’minlash.
5.2. Foydalanuvchi
quyidagilarga majbur:
– Ushbu Oferda ko‘rsatilgan talablarga rioya qilish;
– Servisdan foydalanayotgan qurilma axborot xavfsizligini mustaqil ravishda
ta’minlash;
– Servisdan huquqbuzarlik maqsadida foydalanmaslik.
5.3. Tizim ushbu Oferda o‘zgartirishlar kiritish huquqiga ega bo‘lib, bu haqda Foydalanuvchini Tizimning rasmiy veb-saytida va “OSON” Ilovasidagi Servis interfeysida axborot xabarlari orqali xabardor qiladi.
6. TOMONLARNING JAVOBGARLIGI
6.1. Tomonlar ushbu
Shartnoma shartlarini bajarmagan yoki lozim darajada bajarmagan taqdirda,
O‘zbekiston Respublikasining amaldagi qonunchiligiga muvofiq javobgar bo‘ladi.
6.2. Foydalanuvchi, Shartnoma bo‘yicha o‘z majburiyatlarini bajarmaganligi yoki
lozim darajada bajarmaganligi oqibatida kelib chiqadigan har qanday zarar yoki
boshqa salbiy oqibatlar uchun javobgar hisoblanadi.
6.3. Foydalanuvchi, o‘z shaxsiy ma’lumotlarini himoyalanmagan tarmoqlar orqali
ishlayotgan qurilmada kiritganida yoki qurilma zararli dasturlar tahdidi ostida
bo‘lgan taqdirda, bu ma’lumotlarning saqlanishi uchun to‘liq javobgardir.
6.4. Agar Shartnoma shartlarining bajarmaslik holati Foydalanuvchi tomonidan
Shartnoma shartlarining buzilishi oqibatida yuzaga kelgan bo‘lsa, Tizim bu
uchun javobgar emas.
6.5. Foydalanuvchi ushbu Oferda ko‘rsatilgan shartlar bilan tanishmaganligi
yoki o‘z vaqtida tanishmaganligi oqibatida yuzaga kelgan har qanday zarar uchun
Tizim javobgar emas.
6.6. Tizim, agar Shartnoma shartlarining bajarmasligi uning nazoratidan
tashqaridagi sabablarga ko‘ra yuzaga kelgan bo‘lsa, ushbu holat uchun javobgar
emas. Tizimning nazorat sohasi Servisdan foydalanish jarayonida olingan
ma’lumotlarning ishonchliligi bilan cheklanadi va uchinchi shaxslarning aybi
bilan yuzaga kelgan nosozliklar yoki davlat yoki sud organlari tomonidan joriy
etilgan cheklovlar uchun javobgarlikni o‘z ichiga olmaydi.
6.7. Agar Shartnoma bo‘yicha majburiyatlarining bajarmasligi, Shartnoma
tuzilganidan keyin yuzaga kelgan, Tomonlar oldindan bilolmagan va oldini
ololmagan favqulodda holatlar (fors-major) natijasida yuzaga kelsa, Tomonlar
ushbu holat bo‘yicha javobgarlikdan ozod etiladi.
7. SHARTNOMANI BEKOR QILISH
7.1. Foydalanuvchi
istalgan vaqtda Servisni «OSON» Ilovasida o‘chirib, ushbu Shartnomani
bajarishdan voz kechish huquqiga ega. («Monitoringni
o‘chirish» tugmasi «OSON»
Ilovasi interfeysida mavjud).
7.2. Shartnoma Servis o‘chirilgan zahotiyoq bekor qilingan hisoblanadi. Bunda,
joriy davr uchun oldindan yechilgan summa Foydalanuvchining «OSON» Ilovasida
ro‘yxatdan o‘tgan plastik kartasidan qaytarilmaydi.
7.3. Plastik kartada mablag‘ yetishmasligi sababli Servis vaqtincha
to‘xtatilgan holat (qarang bandlar 4.5 va 4.6) Shartnomaning bekor qilinganini
anglatmaydi.
7.4. Agar Foydalanuvchi «OSON» Ilovasidagi akkauntini o‘chirsa, Servis
avtomatik tarzda o‘chirib qo‘yilmaydi. Shartnoma faqat 7.1-bandga muvofiq
tarzda bekor qilinadi.
8. NIZOLARNI KO‘RIB CHIQISH TARTIBI
8.1. Ushbu Shartnomadan
kelib chiqadigan har qanday nizolar Foydalanuvchining yozma murojaatiga asosan
da’vo tartibida yoki tomonlar o‘rtasida muzokaralar yo‘li bilan hal etiladi.
Murojaatni ko‘rib chiqish muddati va unga qo‘yiladigan talablar O‘zbekiston
Respublikasining amaldagi qonunchiligiga muvofiq belgilanadi.
8.2. Agar kelib chiqqan nizo da’vo tartibida hal etilmasa, u javobgar tomon
joylashgan hududdagi vakolatli sudda, O‘zbekiston Respublikasining amaldagi
qonunchiligida belgilangan tartibda ko‘rib chiqiladi.
9. BOSHQA SHARTLAR
9.1. Ushbu Shartnomada
bevosita nazarda tutilmagan barcha holatlarda tomonlar O‘zbekiston
Respublikasining amaldagi qonunchiligi va odatdagi ishbilarmonlik amaliyotiga
amal qiladilar.
9.2. Ushbu Ofermani aksept qilish orqali Foydalanuvchi Shartnomaning barcha
shartlariga so‘zsiz roziligini tasdiqlaydi va ularni bajirish majburiyatini
oladi.
10. TIZIMNING REKVIZITLARI
Manzil:100058, Toshkent shahri, Yunusobod tumani,
Bogiboston MFY, Bogishamol ko'chasi, 179-uy
STIR: 304 408 302
H/R: 20208000600690042002
"ALOKABANK" AJ OPЕРU, Toshkent shahri
MFO: 00401
IFUT kodi: 63 110
Tel: +998-71-207-80-81
Toshkent shahri
2024-yil 1-mart