ДАВЛАТ ЙЎЛ ҲАРАКАТИ ХАВФСИЗЛИГИ БОШҚАРМАСИ ЖАРИМАЛАРИ ТЎҒРИСИДА ХАБАР БЕРИШ ХИЗМАТИНИ КЎРСАТИШ ШАРТЛАРИ
Мобил илова «OSON» фойдаланувчиларга Ўзбекистон Республикаси ҳудудида Йўл ҳаракати қоидалари бузилгани учун Давлат йўл ҳаракати хавфсизлиги бошқармаси томонидан белгиланган жарималар ҳақида хабар бериш хизмати орқали фойдаланиш имкониятини таклиф этади.
1. АТАМАЛАР ВА ТАЪРИФЛАР
Хизмат – ижрочи томонидан «OSON» мобил иловаси абонентларига Ўзбекистон Республикаси ҳудудида Йўл ҳаракати қоидалари бузилгани учун Давлат йўл ҳаракати хавфсизлиги бошқармаси жарималари тўғрисида хабар бериш хизмати орқали амалга ошириладиган ҳаракатлар.
Фойдаланувчи – «OSON» мобил иловасида рўйхатдан ўтган, ҳуқуқий имкониятга эга жисмоний шахс.
ЙҲҚ – йўл ҳаракати қоидалари.
Ҳисобот даври – ижрочи томонидан «OSON» мобил иловаси абонентлари учун Давлат йўл ҳаракати хавфсизлиги бошқармаси жарималари тўғрисида хабар бериш хизмати амалга оширилган вақт. Ҳисобот даври ушбу шартнома асосида хизмат учун тўлов амалга оширилган кундан бошлаб 30 (ўттиз) календар кунни ташкил этади.
«Давлат Йўл Ҳаракати Хавфсизлиги Бошқармаси» хабар бериш хизмати – «OSON» мобил иловаси абонентларини Ўзбекистон Республикаси ҳудудида Йўл ҳаракати қоидалари бузилгани учун белгиланган жарималар ҳақида хабар беришга имкон берадиган хизмат.
2. ХИЗМАТНИНГ ТАВСИФИ
2.1. АО «BRIO GROUP» дастурий таъминоти ЙҲҚ бузилиши тўғрисида қарор қабул қилинган (ГУВДнинг «АДМПРАКТИКА» ахборот тизимида) ҳолатда, ушбу маълумотни қайта ишлаб чиқиб, хизматга обуна бўлган фойдаланувчига SMS-хабар йўллайди. Хабар фойдаланувчининг алоқа ҳудудида бўлиш ҳолатига қараб етказилади.
2.2. Бир мобил рақамга бир нечта (бештагача) транспорт воситаларини улаш мумкин.
2.3. Транспорт воситасини алмаштириш обуна тугашидан 15 кун ўтгач амалга оширилади.
2.4. Агар фойдаланувчи ушбу хизматни мобил илова орқали ўчирса, уни қайта ёқиш охирги ёқилган кундан 15 кун ўтгач амалга оширилади.
2.5. «Давлат Йўл Ҳаракати Хавфсизлиги Бошқармаси» хабар бериш хизмати пулли асосда, ойлик абонент тўлови шаклида тақдим этилади. Хизмат фойдаланувчи томонидан ўз хоҳишига кўра, ушбу шартлар билан танишганидан сўнг, мустақил равишда ёқилади.
2.6. Ҳисобот даври учун абонент тўлови ҳар бир транспорт воситаси учун 2000 (икки минг) сўмни ташкил этади (ҚҚС 12% қўшилган). Абонент тўлови 100% олдиндан тўлов шаклида электрон тўлов воситалари орқали амалга оширилади.
2.7. «Давлат Йўл Ҳаракати Хавфсизлиги Бошқармаси» хабар бериш хизматига обунани узайтириш автоматик тарзда амалга оширилади. Агар фойдаланувчи картасида етарли маблағ бўлмаса, хизмат вақтинча тўхтатилади. Маблағ тўлиқ тушгач, хизмат қайта ёқилади.
3. ХИЗМАТНИНГ АВТОМАТИК УЗАЙТИРИЛИШИНИ ЎЧИРИШ
Обуна муддати 30 календар кунни ташкил этади. Хизматни автоматик узайтиришни бекор қилиш учун керакли обунани танлаб, «Автоузайтириш» функциясини ўчириш лозим.
Тошкент ш.
2024 йил 1 март